Kur'ani Fisnik

kërkim në gjuhën shqipe



<< >>
Sureja: 41. Fusilet
Ajete: 54

Sherif Ahmeti
Hasan Nahi
ChatGPT
Transliterimi
C 41:1. Ha, Mim.
41:1. Hâ, Mîm.
41:1. Ha, Mim.
41:1. HA-MIM
C 41:2. Zbritje prej Mëshiruesit, Mëshirëbërësit!
41:2. Kjo është Shpallje prej të Gjithëmëshirshmit, Mëshirëplotit.
41:2. Zbritja është nga Allahu, i Gjithëmëshirshmi, Mëshirëploti.
41:2. TENZILUN MINE ER-REHMANI ER-REHIMI
C 41:3. Libër që ajetet e tij janë të shkoqitura, duke qenë Kur'an arabisht për një popull që di ta kuptojë.
41:3. Ky është një Libër, vargjet e të cilit janë shtjelluar qartë, një Kuran në gjuhën arabe, për njerëzit me dije.
41:3. Një Libër, ajetet e të cilit janë të detajuara – një Kuran në gjuhën arabe për një popull që ka dije,
41:3. KITABUN FUSSILET 'AJATUHU KUR'ANEN 'AREBIJAN LIKAWMIN JA'LEMUNE
C 41:4. Është përgëzues dhe qortues, por shumica e tyre ia kthyen shpinën, andaj ata nuk e dëgjojnë.
41:4. Ai sjell lajme të mira dhe paralajmërime, por shumica e njerëzve ia kthejnë shpinën dhe largohen pa e dëgjuar.
41:4. Lajmëtar të gëzimeve dhe paralajmërues. Por shumica e tyre shmangen, kështu që ata nuk dëgjojnë.
41:4. BESHIREN WE NEDHIRAN FE'A'REDE 'EKTHERUHUM FEHUM LA JESMA'UNE
C 41:5. Ata thanë: "Zemrat tona janë të mbyllura nga ajo që ti na thërret dhe në veshët tanë kemi shurdhim të rëndë, kështu që ndërmjet nesh dhe ndërmjet teje ekziston një perde, prandaj ti vepro sipas tëndës e ne vazhdojmë tonën!"
41:5. Ata thonë: “Ajo për të cilën ti na thërret, nuk i arrin zemrat tona, sepse ato janë të mbrojtura mirë. Veshët tanë janë të shurdhër e midis nesh e teje ka perde. Prandaj ti vepro si të duash, se edhe ne kështu do të veprojmë”.
41:5. Dhe ata thonë: "Zemrat tona janë të mbuluara ndaj asaj për të cilën na thërret ti, dhe në veshët tanë ka një rëndesë, dhe mes nesh dhe teje ka një perde. Prandaj, vepro ti; me të vërtetë, ne jemi duke vepruar."
41:5. WE KALU KULUBUNA FI 'EKINNETIN MIMMA TED'UNA 'ILEJHI WE FI 'ADHANINA WEKRUN WE MIN BEJNINA WE BEJNIKE HIXHABUN FA'MEL 'INNENA 'AMILUNE
C 41:6. Thuaj: "Unë jam vetëm njeri sikurse edhe ju, mua më shpallet se Zoti juaj është vetëm Zoti Një, pra drejtonju Atij dhe kërkoni falje prej Tij. Për idhujtarët është mjerim i madh,
41:6. Thuaj (o Muhamed!): “Në të vërtetë, unë jam vetëm një njeri si ju. Mua më është shpallur që Zoti juaj është një Zot i Vetëm, andaj ecni në rrugën e drejtë që të çon tek Ai dhe kërkoni falje prej Tij! Mjerë ata të cilët i shoqërojnë Atij zota të tjerë,
41:6. Thuaj: "Me të vërtetë, unë jam vetëm një njeri si ju. Mua më shpallet se Zoti juaj është Një. Prandaj, drejtohuni drejt Tij dhe kërkoni falje prej Tij. Dhe mjerë për ata që i bëjnë shokë Atij,
41:6. KUL 'INNEMA 'ENA BESHERUN MITHLUKUM JUHA 'ILEJJE 'ENNEMA 'ILEHUKUM 'ILEHUN WAHIDUN FASTEKIMU 'ILEJHI WE ESTEGFIRUHU WE WEJLUN LILMUSHRIKINE
C 41:7. të cilët nuk e japin zeqatin dhe mu ata e mohojnë botën tjetër.
41:7. e të cilët nuk japin zeqatin dhe nuk besojnë në jetën tjetër!
41:7. Ata që nuk japin zekatin dhe ata që mohojnë botën tjetër.
41:7. EL-LEDHINE LA JU'UTUNE EZ-ZEKETE WE HUM BIL-'AHIRETI HUM KAFIRUNE
C 41:8. Nuk ka dyshim se ata që besuan dhe bënë vepra të mira, kanë shpërblim të përhershëm.
41:8. Ndërsa ata që besojnë dhe bëjnë vepra të mira, sigurisht që do të kenë shpërblim të pandërprerë.”
41:8. Me të vërtetë, ata që besojnë dhe bëjnë vepra të mira – për ta do të jetë një shpërblim i pandërprerë."
41:8. 'INNEL-LEDHINE 'AMENU WE 'AMILU ES-SALIHATI LEHUM 'EXHRUN GAJRU MEMNUNIN
C 41:9. Thuaj: "A ju jeni ata që nuk i besoni Atij që e krijoi tokën për dy ditë dhe Atij i përshkruani shok, e Ai është Zoti i botëve!
41:9. Thuaj: “Vallë, a me të vërtetë ju e mohoni Atë, i cili e ka krijuar Tokën në dy ditë dhe sajoni zota të barabartë me Atë?!” Ai është Zoti i botëve!
41:9. Thuaj: "A me të vërtetë ju e mohoni Atë që krijoi tokën në dy ditë dhe i bëni Atij shokë? Ky është Zoti i botëve."
41:9. KUL 'E'INNEKUM LETEKFURUNE BIEL-LEDHI HALEKAL-'ERDE FI JEWMEJNI WE TEXH'ALUNE LEHU 'ENDADEN DHALIKE REBBUL-'ALEMINE
C 41:10. Ai që në të vuri kodra të forta, ia shtoi të mirat asaj dhe brenda katër ditëve të plota caktoi të gjitha kushtet për të jetuar në të. Pra, për ata që pyesin (për kohën e krijimit të saj)"
41:10. Ai krijoi në Tokë male të palëvizshme që ngrihen lart, e bekoi atë dhe përcaktoi në të furnizimin (për banorët) e saj me masë për katër ditë; ky është shpjegimi për të gjithë ata që pyesin.
41:10. Dhe Ai vendosi mbi të male, dhe Ai e bekoi atë, dhe vendosi në të furnizimet e saj në katër ditë – në barazi për ata që pyesin.
41:10. WE XHE'ALE FIHA REWASIJE MIN FEWKIHA WE BAREKE FIHA WE KADDERE FIHA 'EKWATEHA FI 'ERBE'ATI 'EJJAMIN SEWA'EN LILSSA'ILINE
C 41:11. Mandej e mësyu qiellin (krijimin e qiellit) e ai ishte tym (mjegullinë që ishte si materie e parë) dhe atij e edhe të tokës i tha: "Qasuni urdhërit Tim me dëshirë ose me dhunë!" Ato të dyja thanë: "Po i qasemi me dëshirë!"
41:11. Pastaj Ai iu kthye qiellit, që ishte në gjendje mjegullire e i tha atij dhe Tokës: “Ejani të dy me hir a me pahir!”. Ata u përgjigjën: “Erdhëm me gjithë dëshirë e të bindur!”
41:11. Pastaj Ai u kthye drejt qiellit, ndërsa ai ishte tym, dhe Ai i tha atij dhe tokës: 'Ejani vullnetarisht ose me forcë.' Ata të dy thanë: 'Ne vijmë të bindur.'
41:11. THUMME ESTEWA 'ILA ES-SEMA'I WE HIJE DUHANUN FEKALE LEHA WE LIL'ERDI EI'TIJA TEW'EN 'EW KERHAN KALETA 'ETEJNA TA'I'INE
C 41:12. Dhe ata i krijoi shtatë qiej brenda dy ditëve dhe secilit qiell i caktoi atë që i nevojitej. Qiellin më të afërt (të Dunjasë) Ne e stolisëm me yje ndriçuese dhe e bëmë të mbrojtur. Ky është caktim i plotfuqishmit, të dijshmit.
41:12. Ai krijoi shtatë qiej në dy ditë dhe çdo qielli i caktoi detyrat e tij. Qiellin më të afërm Ne e zbukuruam me yje të shkëlqyer dhe i vumë roja. Ky është urdhri i të Plotfuqishmit dhe të Gjithëdijshmit.
41:12. Pastaj Ai i krijoi ato si shtatë qiej në dy ditë dhe frymëzoi në çdo qiell urdhrin e tij. Dhe Ne zbukuruam qiellin më të afërt me drita dhe për mbrojtje. Kjo është urdhra e të Gjithëfuqishmit, të Gjithëdijshmit.
41:12. FEKADAHUNNE SEB'A SEMAWATIN FI JEWMEJNI WE 'EWHA FI KULLI SEMA'IN 'EMREHA WE ZEJJENNA ES-SEMA'E ED-DUNJA BIMESABIHE WE HIFDHEN DHALIKE TEKDIRUL-'AZIZIL-'ALIMI
C 41:13. Në qoftë se ata nuk përgjigjen, ti thuaj: "Unë tërhoqa vërejtjen e një rrufeje (dënimi), si rrufeja e Adit dhe Themudit!"
41:13. Nëse ata shmangen, ti thuaju: “Ju paralajmëroj me rrufenë që goditi fiset Ad dhe Themud.
41:13. Por nëse ata shmangen, atëherë thuaj: 'Unë ju paralajmëroj për një rrufe si rrufeja e Adit dhe Themudit.'
41:13. FE'IN 'A'REDU FEKUL 'ENDHERTUKUM SA'IKATEN MITHLE SA'IKATI 'ADIN WE THEMUDE
C 41:14. Kur atyre u erdhën të dërguarit nga të gjitha anët, i këshilluan: "Të mos adhuroni tjetër po vetëm All-llahun", ata thanë: "Sikur Zoti ynë të kishte dëshiruar (ta dëgjonim) do të dërgonte engjëll, e kësaj me çka jeni dërguar ju, ne nuk i besojmë!"
41:14. Kur atyre u erdhën të dërguarit nga çdo anë, duke u thënë: “Mos adhuroni tjetër përveç Zotit!”, ata thanë: “Sikur të kishte dashur Zoti ynë, Ai do të kishte dërguar engjëj. Ne nuk besojmë në mesazhin tuaj.”
41:14. Kur të dërguarit u erdhën atyre nga përpara dhe nga pas tyre (duke thënë): 'Mos adhuroni askënd përveç Allahut,' ata thanë: 'Sikur Zoti ynë të kishte dashur, Ai do të kishte zbritur engjëj. Prandaj, me të vërtetë, ne mohojmë atë me të cilin jeni dërguar.'"
41:14. 'IDH XHA'ET/HUMU ER-RUSULU MIN BEJNI 'EJDIHIM WE MIN HALFIHIM 'ELLA TA'BUDU 'ILLALLAHE KALU LEW SHA'E REBBUNA LE'ENZELE MELA'IKETEN FE'INNA BIMA 'URSILTUM BIHI KAFIRUNE
C 41:15. Sa i përket Adit, ata pa pasur kurrfarë të drejte u treguan mendjemëdhenj ndaj banorëve në tokë dhe thanë: "Kush ka fuqi më të fortë se ne?" A nuk e ditën ata se All-llahu, i cili i krijoi, ka fuqi më të fortë se ata?! Ata i mohuan argumentet tona.
41:15. Sa i përket fisit Ad, ata u treguan arrogantë në Tokë dhe, pa kurrfarë të drejte, thoshin: “Kush është më i fortë se ne?” Vallë, a nuk e dinin ata se Allahu që i kishte krijuar, është më i fuqishëm se ata?! Kështu, ata i mohuan shpalljet Tona.
41:15. Sa për Adin, ata ishin arrogantë në tokë pa të drejtë dhe thanë: "Kush është më i fuqishëm se ne?" A nuk panë ata se Allahu që i krijoi ata ishte më i fuqishëm se ata? Por ata vazhdonin të mohonin shenjat Tona.
41:15. FE'EMMA 'ADUN FASTEKBERU FIL-'ERDI BIGAJRIL-HEKKI WE KALU MEN 'ESHEDDU MINNA KUWETEN 'EWELEM JEREW 'ENNEL-LAHEL-LEDHI HALEKAHUM HUWE 'ESHEDDU MINHUM KUWETEN WE KANU BI'AJATINA JEXHHEDUNE
C 41:16. Andaj Ne kundër tyre lëshuam një erë shumë të ftohtë gjatë disa ditëve fatzeza, për t'u dhënë ta përjetojnë dënimin nënçmues në jetën e kësaj bote, ndërsa dënimi në botën tjetër do të jetë edhe më i shëmtuar dhe ata nuk do të ndihmohen.
41:16. Dhe, Ne u dërguam atyre në ditët e fatkeqësisë erë të acartë, për ta shijuar dënimin poshtërues që në këtë jetë; ndërsa dënimi në jetën tjetër do të jetë edhe më poshtërues dhe askush nuk do t'i ndihmojë.
41:16. Kështu që Ne dërguam mbi ta një erë të ftohtë të furishme në ditë të pafata, që t'i bënim të shijonin ndëshkimin e poshtërimit në këtë jetë. Por ndëshkimi i botës tjetër është më i poshtërueshëm, dhe ata nuk do të ndihmohen.
41:16. FE'ERSELNA 'ALEJHIM RIHEN SERSERAN FI 'EJJAMIN NEHISATIN LINUDHIKAHUM 'ADHABEL-HIZJI FIL-HEJÆTI ED-DUNJA WE LE'ADHABUL-'AHIRETI 'EHZA WE HUM LA JUNSERUNE
C 41:17. Sa i përket Themudit, Ne atyre u patëm treguar rrugën e drejtë por ata megjithatë më shumë e deshën verbërinë, andaj ata i kapi tmerri i dënimit të turpshëm për shkak të asaj që vepruan.
41:17. Fisit Themud, Ne ia treguam rrugën e drejtë, por ai parapëlqeu verbërimin e jo rrugën e drejtë, andaj e goditi rrufeja e dënimit poshtërues, për atë që kishte bërë.
41:17. Dhe sa për Themudin, Ne u dhamë atyre udhëzim, por ata e zgjodhën verbërinë mbi udhëzimin. Prandaj, rrufeja e ndëshkimit poshtërues i kapi ata për atë që ata fituan.
41:17. WE 'EMMA THEMUDU FEHEDEJNAHUM FASTEHEBBUL-'AMA 'ALEL-HUDA FE'EHADHET/HUM SA'IKATUL-'ADHABIL-HUNI BIMA KANU JEKSIBUNE
C 41:18. Ndërkaq, Ne i shpëtuam ata që kishin besuar dhe që ishin të ruajtur.
41:18. E Ne i shpëtuam ata që besuan dhe që u ruajtën (prej të këqijave).
41:18. Dhe Ne i shpëtuam ata që besuan dhe që kishin frikë Allahun.
41:18. WE NEXHXHEJNAL-LEDHINE 'AMENU WE KANU JETTEKUNE
C 41:19. E ditën kur armiqtë e All-llahut tubohen për në zjarr dhe ata janë të rrethuar.
41:19. Paralajmëroji ata për Ditën, kur do të tubohen armiqtë e Allahut për në zjarr e do të shtyhen me radhë.
41:19. Dhe në Ditën kur armiqtë e Allahut do të mblidhen në zjarr, ata do të grumbullohen.
41:19. WE JEWME JUHSHERU 'A'DA'U ELLAHI 'ILA EN-NARI FEHUM JUZA'UNE
C 41:20. E derisa afrohen atij, kundër tyre dëshmojnë: të dëgjuarit e tyre, të parit e tyre dhe lëkurat e tyre për çdo gjë që ata kanë punuar.
41:20. Kur të vijnë afër zjarrit, kundër tyre do të dëshmojnë veshët, sytë dhe lëkurët e tyre për atë që kanë bërë.
41:20. Kur ata të arrijnë atje, dëshmitë e tyre, lëkurat e tyre, duart e tyre dhe këmbët e tyre do të dëshmojnë kundër tyre për atë që ata kanë bërë.
41:20. HETTA 'IDHA MA XHA'UHA SHEHIDE 'ALEJHIM SEM'UHUM WE 'EBSARUHUM WE XHULUDUHUM BIMA KANU JA'MELUNE
C 41:21. Ata lëkurave të tyre u thonë: "Përse dëshmuat kundër nesh?" Ato thonë: "All-llahu që çdo sendi ia ka dhënë të folurit na dha edhe neve, e Ai është që ju krijoi juve herën e parë dhe vetëm te Ai ktheheni".
41:21. Ata do t'u thonë lëkurëve të veta: “Pse dëshmuat kundër nesh?” e ato do të përgjigjen: “Allahu, i Cili ia jep aftësinë e të folurit gjithçkaje, na ka bërë që të flasim. Ai ju ka krijuar për herë të parë dhe tek Ai do të ktheheni”.
41:21. Dhe ata do t'u thonë lëkurave të tyre: "Pse dëshmuat kundër nesh?" Ato do të thonë: "Allahu na bëri të flasim, Ai që bën të flasë gjithçka. Dhe Ai ju krijoi ju herën e parë, dhe te Ai ju ktheheni."
41:21. WE KALU LIXHULUDIHIM LIME SHEHIDTUM 'ALEJNA KALU 'ENTEKANALLAHUL-LEDHI 'ENTEKA KULLE SHEJ'IN WE HUWE HALEKAKUM 'EWWELE MERRETIN WE 'ILEJHI TURXHA'UNE
C 41:22. Ju nuk fshiheshit (kur bënit mëkate) se do të dëshmojnë kundër jush të dëgjuarit tuaj, të pamurit tuaj dhe lëkurat tuaja, bile ju menduat se All-llahu nuk di për shumë gjëra që ju i bënit.
41:22. Ju nuk u fshehët, që kundër jush të mos dëshmonin veshët, sytë e lëkura juaj, por ngaqë besonit se Allahu nuk i dinte shumë nga ato që bënit.
41:22. Dhe ju nuk ishit duke u fshehur që të mos dëshmojnë kundër jush veshët tuaj, as sytë tuaj, as lëkurat tuaja, por ju menduat se Allahu nuk dinte shumë nga ajo që ju po bënit.
41:22. WE MA KUNTUM TESTETIRUNE 'EN JESH/HEDE 'ALEJKUM SEM'UKUM WE LA 'EBSARUKUM WE LA XHULUDUKUM WE LEKIN DHENENTUM 'ENNEL-LAHE LA JA'LEMU KETHIREN MIMMA TA'MELUNE
C 41:23. Mendimi juaj i gabuar, të cilin e patët ndaj Zotit tuaj, është ai që ju shkatërroi dhe tani jeni më të dëshpëruarit.
41:23. Ky mendim që keni pasur për Zotin tuaj, ju shkatërroi e ju u bëtë humbës.
41:23. Dhe kjo ishte mendimi juaj që keni menduar për Zotin tuaj, që ju shkatërroi. Dhe ju tani jeni nga të humburit.
41:23. WE DHELIKUM DHENNUKUMUL-LEDHI DHENENTUM BIREBBIKUM 'ERDAKUM FE'ESBEHTUM MINEL-HASIRINE
C 41:24. Nëse bëjnë durim, zjarri është vend i tyre, e nëse kërkojnë të kthehen në atë që e dëshirojnë (në kënaqësinë e Zotit), atë nuk do ta arrijnë.
41:24. Edhe nëse ata durojnë, sërish zjarri është vendstrehim për ta; edhe nëse kërkojnë falje, lutja nuk do t'u merret parasysh.
41:24. Por nëse ata janë të duruar, zjarri është vendbanimi i tyre. Dhe nëse ata kërkojnë falje, ata nuk do të jenë nga ata që janë falur.
41:24. FE'IN JESBIRU FALNNARU METHWEN LEHUM WE 'IN JESTA'TIBU FEMA HUM MINEL-MU'TEBINE
C 41:25. Ne u patëm mundësuar atyre të kenë asi shokësh që ua hijeshojnë atë që e bënin në atë kohë (në Dunja) dhe atë që do t'u vijë më vonë dhe ashtu dënimi ndaj tyre u bë me vend, si ndaj popujve që ishin para tyre nga xhinët dhe njerëzit, se vërtet ata ishin të humbur.
41:25. Ne u kishim caktuar atyre shokë të këqinj, të cilët ua zbukuronin të tashmen dhe të shkuarën e tyre e për ta u përmbush Fjala, ashtu si për popujt që kanë qenë para tyre prej xhindesh dhe njerëzish. Ata kanë qenë vërtet të humbur.
41:25. Dhe Ne u kemi caktuar atyre shokë që ua bënë të bukura atyre atë që ishte para tyre dhe atë që ishte pas tyre. Dhe Fjala mbi ta u bë e vërtetë, si mbi kombet e tjera të gjenive dhe njerëzve që ishin para tyre. Me të vërtetë, ata ishin të humbur.
41:25. WE KAJJEDNA LEHUM KURENA'E FEZEJJENU LEHUM MA BEJNE 'EJDIHIM WE MA HALFEHUM WE HEKKA 'ALEJHIMUL-KAWLU FI 'UMEMIN KAD HALET MIN KABLIHIM MINEL-XHINNI WEL-'INSI 'INNEHUM KANU HASIRINE
C 41:26. Ata që nuk besuan thanë: "Mos e dëgjoni këtë Kur'an dhe kur të lexohet ai, ju bëni zhurmë (bërtitni) ashtu që ta pengoni!"
41:26. Jobesimtarët thonë: “Mos e dëgjoni këtë Kuran! Flisni e qeshni me zë të lartë, që të ndërpreni leximin e tij!”
41:26. Dhe ata që nuk besuan thanë: "Mos e dëgjoni këtë Kuran dhe flisni me zhurmë në të që të mund të triumfoni."
41:26. WE KALEL-LEDHINE KEFERU LA TESMA'U LIHEDHAL-KUR'ANI WEL-GAW FIHI LE'ALLEKUM TEGLIBUNE
C 41:27. E, Ne atyre që nuk besuan patjetër do t'u japim të përjetojnë dënim të ashpër dhe do t'i shpërblejmë me më të keqen e asaj që punuan.
41:27. Por, Ne do të bëjmë që mohuesit të shijojnë një dënim të ashpër dhe do t'i ndëshkojmë ata sipas veprave më të këqija që kanë bërë.
41:27. Por Ne do t'i bëjmë të shijojnë ata që nuk besuan një ndëshkim të ashpër, dhe me të vërtetë, Ne do t'i shpërblejmë ata për veprat më të këqija që ata kanë bërë.
41:27. FELENUDHIKANNEL-LEDHINE KEFERU 'ADHABEN SHEDIDAN WE LENEXHZIJENNEHUM 'ESWE'EL-LEDHI KANU JA'MELUNE
C 41:28. Dhe ai ndëshkim i armiqve të All-llahut është zjarri, aty është vendi i tyre i përhershëm, si shpërblim për shkak se ata refuzuan argumentet tona.
41:28. Ky është “shpërblimi” për armiqtë e Allahut. Xhehenemi është vendbanimi i përhershëm i tyre. Ky dënim është për ata, ngaqë mohonin shpalljet Tona.
41:28. Kjo është shpërblimi i armiqve të Allahut – zjarri, për ta është shtëpia e përhershme, si një shpërblim për atë që ata mohuan ajetet Tona.
41:28. DHALIKE XHEZA'U 'A'DA'I ELLAHI EN-NARU LEHUM FIHA DARUL-HULDI XHEZA'EN BIMA KANU BI'AJATINA JEXHHEDUNE
C 41:29. Ata që nuk besuan thonë: "O Zoti ynë, na i trego ata të dy nga xhinët dhe njerëzit, të cilët na bënë të jemi të humbur, e t'i shkelim me këmbët tona dhe le të jenë prej më të poshtërve!"
41:29. Dhe jobesimtarët do të thonë: “O Zoti ynë, na i trego ata xhinde dhe njerëz, që na kanë shpënë në humbje, që t'i shkelim me këmbët tona e t'i poshtërojmë!”
41:29. Dhe ata që nuk besuan do të thonë: "Zoti ynë, na trego ata që na çuan në humbje nga gjenet dhe njerëzit që ne t'i vëmë ata nën këmbët tona që ata të jenë nga më të poshtëruarit."
41:29. WE KALEL-LEDHINE KEFERU REBBENA 'ERINAL-LEDHEJNI 'EDELLANA MINEL-XHINNI WEL-'INSI NEXH'ALHUMA TEHTE 'EKDAMINA LIJEKUNA MINEL-'ESFELINE
C 41:30. E, s'ka dyshim se ata që thanë: "All-llahu është Zoti ynë", dhe ishin të paluhatshëm, atyre u vijnë engjëjt (në prag të vdekjes dhe u thonë): të mos u frikësoheni, të mos pikëlloheni, keni myzhde xhennetin që u premtohej.
41:30. Me të vërtetë, atyre që thonë: “Zoti ynë është Allahu”, e pastaj vazhdojnë të vendosur në rrugën e drejtë, do t'u zbresin engjëjt (para vdekjes) e do t'u thonë: “Mos u frikësoni dhe mos u pikëlloni! Dhe gëzojuni Xhenetit që ju është premtuar.
41:30. Me të vërtetë, ata që thonë: "Zoti ynë është Allahu," dhe pastaj janë të qëndrueshëm – engjëjt do të zbresin mbi ta (duke thënë): "Mos kini frikë dhe mos u pikëlloni, por gëzohuni me Xhenetin që ju është premtuar.
41:30. 'INNEL-LEDHINE KALU REBBUNALLAHU THUMME ESTEKAMU TETENEZZELU 'ALEJHIMUL-MELA'IKETU 'ELLA TEHAFU WE LA TEHZENU WE 'EBSHIRU BIL-XHENNETI ELLETI KUNTUM TU'ADUNE
C 41:31. (u thonë) Ne kujdesemi për ju, si në jetën e kësaj bote, ashtu edhe në botën tjetër, kudo të keni atë që dëshironi dhe gjithçka kërkoni.
41:31. Ne jemi mbrojtësit tuaj në jetën e kësaj bote dhe në botën tjetër. Atje do të keni çfarë t'ju dëshirojë zemra dhe çfarë të kërkoni,
41:31. Ne ishim miqtë tuaj në jetën e kësaj bote dhe në botën tjetër. Dhe atje do të keni çfarëdo që dëshirojnë shpirtrat tuaj, dhe atje do të keni çfarëdo që kërkoni –
41:31. NEHNU 'EWLIJA'UUKUM FIL-HEJETI ED-DUNJA WE FIL-'AHIRETI WE LEKUM FIHA MA TESHTEHI 'ENFUSUKUM WE LEKUM FIHA MA TEDDA'UNE
C 41:32. Pritje e nderuar prej Atij që falë mëkatet dhe që është mëshirues!
41:32. dhuratë e pasur prej një Zoti Falës dhe Mëshirëplotë.”
41:32. Një mikpritje nga i Gjithëfalënderuari, i Gjithëmëshirshmi."
41:32. NUZULEN MIN GAFURIN REHIMIN
C 41:33. E kush është në rrugë më të mirë se ai që thërret në rrugën e All-llahut, që bën vepra të mira dhe që thotë: "Unë jam prej muslimanëve?"
41:33. E kush flet më bukur se ai që i fton njerëzit drejt Allahut, bën vepra të mira dhe thotë: “Unë, me të vërtetë jam mysliman.”
41:33. Dhe kush është më i mirë në të folur sesa ai që thërret te Allahu, bën vepra të mira dhe thotë: "Me të vërtetë, unë jam nga të dorëzuarit."
41:33. WE MEN 'EHSENU KAWLEN MIMMEN DA'A 'ILA ELLAHI WE 'AMILE SALIHAN WE KALE 'INNENI MINEL-MUSLIMINE
C 41:34. Nuk është e barabartë e mira dhe e keqja. Andaj, (të keqen) ktheje në mënyrën më të mirë, se atëherë ai, me të cilin kishit njëfarë armiqësie, do të bëhet mik i afërt.
41:34. Nuk barazohet e mira me të keqen! Të keqen ktheje me të mirë e atëherë armiku yt do të të bëhet menjëherë mik i ngushtë.
41:34. Dhe nuk janë të barabarta e mira dhe e keqja. Prandaj, ktheje (të keqen) me atë që është më e mira. Dhe ja, ai midis teje dhe të cilit kishte armiqësi do të bëhet si një mik i ngushtë.
41:34. WE LA TESTEWIL-HESENETU WE LA ES-SEJJI'ETU EDFA' BI-ETI HIJE 'EHSENU FE'IDHAL-LEDHI BEJNEKE WE BEJNEHU 'ADAWETUN KE'ENNEHU WE LIJUN HEMIMUN
C 41:35. Mirëpo këtë nuk mund ta arrijë kush, pos atyre që janë të durueshëm, dhe nuk mund ta arrijë kush, pos atyre që kanë virtyt të lartë.
41:35. Ky virtyt u dhurohet vetëm atyre që durojnë dhe vetëm atyre që kanë një fat të madh.
41:35. Por kjo nuk i jepet askujt përveç atyre që janë të duruar. Dhe kjo nuk i jepet askujt përveç atyre që kanë një shpërblim të madh.
41:35. WE MA JULEKKAHA 'ILLAL-LEDHINE SEBERU WE MA JULEKKAHA 'ILLA DHU HEDHDHIN 'ADHIMIN
C 41:36. E nëse ty të ngacmon ndonjë ngacmim prej djallit, ti kërko mbrojtje prej All-llahut, se vërtet Ai është dëgjuesi, i dijshmi!
41:36. Nëse djalli fillon të të joshë, kërko mbështetje te Allahu. Me të vërtetë, Ai i dëgjon të gjitha dhe i di të gjitha.
41:36. Dhe nëse ndonjë shtysë nga Shejtani vjen tek ti, atëherë kërko strehim te Allahu. Me të vërtetë, Ai është Dëgjuesi, i Gjithëdituri.
41:36. WE 'IMMA JENZEGANNEKE MINE ESH-SHEJTANI NEZGUN FASTA'IDH BILLAHI 'INNEHU HUWE ES-SEMI'UL-'ALIMU
C 41:37. Nga faktet e madhështisë së Tij janë nata, dita, dielli e hëna. Mos i bëni sexhde as diellit, as hënës! Sexhde bëni vetëm All-llahut, i cili i krijoi ato, nëse adhuroni vetëm Atë!
41:37. Ndër shenjat e Tij janë nata dhe dita, si dhe Dielli dhe Hëna. Mos bëni sexhde as për Diellin, as për Hënën, por, nëse jeni adhurues të Atij, bëni sexhde për Allahun i Cili i ka krijuar ato!
41:37. Dhe nga shenjat e Tij janë nata dhe dita, dhe dielli dhe hëna. Mos u përkulni para diellit dhe as para hënës, por përkuluni para Allahut, i Cili i krijoi ato, nëse jeni vetëm adhurues të Tij.
41:37. WE MIN 'AJATIHIL-LEJLU WE EN-NEHARU WE ESH-SHEMSU WEL-KAMERU LA TESXHUDU LILSHSHEMSI WE LA LILKAMERI WE ESXHUDU LILLAHIL-LEDHI HALEKAHUNNE 'IN KUNTUM 'IJAHU TA'BUDUNE
C 41:38. Po nëse ata (kufarët) janë kryeneç (e nuk bëjnë sexhde), atëherë ata që janë pranë Zotit tënd (engjëjt më të lartë), Atij i bëjnë tesbih natën e ditën dhe ata nuk mërziten prej adhurimit.
41:38. E, nëse idhujtarët tregohen kryeneçë, le ta dinë se ata që janë te Zoti yt, e lavdërojnë Atë natën dhe ditën e kurrë nuk ndihen të lodhur.
41:38. Por nëse ata janë mendjemëdhenj, atëherë ata që janë te Zoti yt e lavdërojnë Atë natën dhe ditën, dhe ata nuk lodhen.
41:38. FE'INI ESTEKBERU FE-EL-LEDHINE 'INDE RABBIKE JUSEBBIHUNE LEHU BIL-LEJLI WE EN-NEHARI WE HUM LA JES'EMUNE
C 41:39. Nga argumentet e Tij është edhe toka që ti e sheh atë të thatë (shkretëtirë), e kur Ne i lëshojmë asaj shiun, ajo gjallërohet e shtohet. E s'ka dyshim se Ai që e ngjalli atë, do t'i ngjallë të vdekurit, pse Ai ka mundësi për çdo gjë.
41:39. Ndër shenjat e Tij është edhe ringjallja e tokës. Ti e sheh tokën të thatë e të shkretë, por, kur zbresim shi mbi të, ajo lëviz dhe gjallërohet. Pa dyshim, Ai që e ngjall atë, i ngjall edhe të vdekurit. Ai është vërtet i pushtetshëm për çdo gjë.
41:39. Dhe nga shenjat e Tij është se ti sheh tokën të tharë. Por kur Ne zbresim ujë mbi të, ajo lëviz dhe rritet. Me të vërtetë, Ai që e dha atë jetë është Ai që do të japë jetë të vdekurve. Me të vërtetë, Ai është mbi çdo gjë i Fuqishëm.
41:39. WE MIN 'AJATIHI 'ENNEKE TERAL-'ERDE HASHI'ATEN FE'IDHA 'ENZELNA 'ALEJHAL-MA'E EHTEZZET WE REBET 'INNEL-LEDHI 'EHJAHA LEMUHJIL-MEWTA 'INNEHU 'ALA KULLI SHEJ'IN KADIRUN
C 41:40. Ata që i sulmojnë argumentet Tona, nuk mund të na fshihen. Pra, a më mirë i ka punët ai që do të hidhet në zjarr, apo ai që në ditën e kijametit vjen i sigurt? E ju pra veproni si të dëshironi, e ta dini se Ai sheh atë që punoni.
41:40. Ata që i shtrembërojnë shpalljet Tona, nuk mund të Na fshihen. Si mendoni, a është më i mirë ai që do të hidhet në zjarr apo ai që në Ditën e Kiametit do të vijë i sigurt? Bëni ç'të doni, se Ai i sheh të gjitha çfarë punoni ju.
41:40. Me të vërtetë, ata që shtrembërojnë ajetet Tona nuk janë të fshehur nga Ne. Prandaj, a është më i mirë ai që hidhet në zjarr apo ai që vjen i sigurt në Ditën e Ringjalljes? Bëni çfarë të dëshironi. Me të vërtetë, Ai është Dëgjuesi, i Gjithëvëzhguesi.
41:40. 'INNEL-LEDHINE JULHIDUNE FI 'AJATINA LA JEHFEWNE 'ALEJNA 'EFEMEN JULKA FI EN-NARI HAJRUN 'EM MEN JE'TI 'AMINEN JEWMEL-KIJAMETI A'MELU MA SHI'TUM 'INNEHU BIMA TA'MELUNE BESIRUN
C 41:41. Ata që e mohuan Kur'anin kur u erdhi janë të marrë; ai është një libër ngadhënjyes (i pashoq).
41:41. Ata që e mohojnë Fjalën Tonë përkujtuese, kur u vjen, do të dënohen rëndë. Ai është vërtet një Libër i madhërueshëm.
41:41. Me të vërtetë, ata që mohojnë Përkujtimin kur ai u vjen – me të vërtetë, ai është një Libër i fuqishëm.
41:41. 'INNEL-LEDHINE KEFERU BIDH-DHIKRI LEMMA XHA'EHUM WE 'INNEHU LEKITABUN 'AZIZUN
C 41:42. Atij nuk mund t'i mvishet e pavërteta nga asnjë anë; është i zbritur prej të Urtit, të Lavdishmit.
41:42. Atij nuk mund t'i afrohet gënjeshtra nga asnjëra anë. Kjo është shpallje prej një të Urti që meriton të gjitha lavdet.
41:42. E pavërteta nuk mund të vijë as para tij dhe as pas tij. Ai është një shpallje nga i Gjithëdituri, i Denji për t'u lavdëruar.
41:42. LA JE'TIHIL-BATILU MIN BEJNI JEDEJHI WE LA MIN HALFIHI TENZILUN MIN HEKIMIN HEMIDIN
C 41:43. Ty nuk po të thuhet tjetër përveç asaj që u është thënë të dërguarve para teje. Vërtet, Zoti yt është ai që falë, po është edhe Ai që ndëshkon rëndë.
41:43. Nuk të thuhet ty (o Muhamed) asgjë, përpos asaj që u është thënë të dërguarve para teje. Në të vërtetë, Zoti yt fal shumë, por edhe dënon ashpër.
41:43. Asgjë nuk thuhet ty përveç asaj që u është thënë të dërguarve para teje. Me të vërtetë, Zoti yt është Zotëruesi i faljes dhe Zotëruesi i ndëshkimit të dhimbshëm.
41:43. MA JUKALU LEKE 'ILLA MA KAD KILE LILRRUSULI MIN KABLIKE 'INNE REBBEKE LEDHU MEGFIRETIN WE DHU 'IKABIN 'ELIMIN
C 41:44. Sikur Ne ta bënim Kur'anin në gjuhë të huaj, ata do të thoshin: "Përse nuk janë ajetet e tij të kuptueshme (të shkoqitura), a është ai (Kur'ani) në gjuhë të huaj, kurse ai (pejgamberi) është arab?" Thuaj: "Ai është për besimtarët udhëzues e shërues. E ata që nuk besojnë, në veshët e tyre kanë shurdhim, dhe ai për ta është verbërim. Të tillët janë sikurse thirren prej një vendi të largët e nuk dëgjojnë".
41:44. Sikur ta kishim shpallur Kuranin në një gjuhë tjetër, ata do të thoshin: “Ah, sikur vargjet e tij të ishin të kuptueshme! Vallë, pse të jetë në një gjuhë të huaj, ndërkohë që ai është arab?!” Thuaj: “Ai është udhërrëfyes dhe shërim për besimtarët”. Por ata që nuk besojnë, janë të shurdhër dhe të verbër, njësoj si të thirreshin prej vendeve të largëta.
41:44. Dhe sikur ta kishim bërë atë një Kuran joarab, ata do të kishin thënë: "Pse nuk janë bërë ajetet e tij të qarta?" A një Kuran joarab dhe një i dërguar arab? Thuaj: "Ai është për ata që besojnë një udhëzim dhe një shërim. Dhe ata që nuk besojnë – në veshët e tyre është një rëndesë, dhe ai për ta është verbëri. Ata thirren nga një vend i largët."
41:44. WE LEW XHE'ALNAHU KUR'ANEN 'A'XHEMIJAN LEKALU LEWLA FUSSILET 'AJATUHU 'E'A'XHEMIJUN WE 'AREBIJUN KUL HUWE LILLEDHINE 'AMENU HUDEN WE SHIFA'UN WEL-LEDHINE LA JU'UMINUNE FI 'ADHANIHIM WEKRUN WE HUWE 'ALEJHIM 'AMEN 'ULA'IKE JUNADEWNE MIN MEKANIN BA'IDIN
C 41:45. Ne edhe Musait ia patëm dhënë librin, lidhur me të cilin pati kundërshtime. Sikur të mos ishte vendimi më parë prej Zotit tënd (të shtyhet ndëshkimi), puna mes tyre do të kryhej, pse ata janë në një dyshim ndaj tij.
41:45. Vërtet, Ne ia dhamë Musait Librin, por rreth tij pati shumë mospajtime. Dhe, sikur të mos ishte Vendimi i Zotit tënd i dhënë më parë (për shtyrjen e gjykimit deri në Ditën e Kiametit), ata (që u përçanë) do të gjykoheshin menjëherë. Me të vërtetë, ata dyshojnë thellë në këtë.
41:45. Dhe me të vërtetë, Ne i dhamë Musait Librin, por u debatua për të. Dhe sikur të mos kishte qenë një fjalë e paravendosur nga Zoti yt, çështja mes tyre do të ishte gjykuar. Dhe me të vërtetë, ata janë në një dyshim të thellë për të.
41:45. WE LEKAD 'ATEJNA MUSAL-KITABE FAHTULIFE FIHI WE LEWLA KELIMETUN SEBEKAT MIN RABBIKE LEKUDIJE BEJNEHUM WE 'INNEHUM LEFI SHEKKIN MINHU MURIBIN
C 41:46. Kush bën mirë, ai e ka për vete, e kush bën keq, ai vepron kundër vetes, e Zoti yt nuk bën padrejtë ndaj robërve.
41:46. Kush bën mirë, e bën për dobi të vet, e kush punon keq, punon në dëm të vet. Zoti yt nuk u bën padrejtësi robërve të Tij.
41:46. Kushdo që bën një të mirë, ajo është për veten e tij. Dhe kushdo që bën një të keqe, ajo është kundër tij. Dhe Zoti yt nuk është i padrejtë ndaj robërve.
41:46. MEN 'AMILE SALIHEN FELINEFSIHI WE MEN 'ESA'E FE'ALEJHA WE MA REBBUKE BIDHELLAMIN LIL'ABIDI
C 41:47. Vetëm Ai e di për katastrofën (për kijametin). Asnjë frut nuk del prej lëvozhgës së vet dhe asnjë femër nuk bart e as nuk lind pa dijen e Tij. E ditën kur Ai i thërret ata se ku janë ata që m'i bënit shokë? Ata thonë: "Ne të kemi njohur Ty, nuk ka ndonjë prej nesh që dëshmon se ke shok!"
41:47. Vetëm Allahu e di se kur do të vijë Ora. Kurrfarë fruti nuk mund të dalë prej kupës së lules dhe asnjë femër nuk mund të mbetet shtatzënë apo të lindë pa dijeninë e Tij. Ditën kur Ai t'i thërrasë njerëzit e t'u thotë: “Ku janë ata zota që i quanit si ortakët e Mi?”, ata do të përgjigjen: “Askush prej nesh nuk dëshmon sot se ata janë ortakët e Tu.”
41:47. Për Të është dituria e Orës. Dhe asnjë frut nuk del nga mbështjellja e tij, dhe asnjë femër nuk mbart dhe as nuk lind pa dijen e Tij. Dhe në ditën kur Ai do t'i thërrasë ata: "Ku janë shokët e Mi?" Ata do të thonë: "Ne të njoftojmë se nuk ka ndonjë dëshmues midis nesh."
41:47. 'ILEJHI JUREDDU 'ILMU ES-SA'ATI WE MA TEHRUXHU MIN THEMERATIN MIN 'EKMAMIHA WE MA TEHMILU MIN 'UNTHA WE LA TEDA'U 'ILLA BI'ILMIHI WE JEWME JUNADIHIM 'EJNE SHUREKA'I KALU 'ADHENNAKE MA MINNA MIN SHEHIDIN
C 41:48. Dhe humb prej tyre ajo që më parë adhuronin, e binden se ata nuk kanë shpëtim.
41:48. Idhujt, që ata i adhuronin më parë, do t'i zhgënjejnë dhe ata do ta dinë se nuk ka më shpëtim.
41:48. Dhe ajo që ata adhuronin më parë do të jetë zhdukur nga ta, dhe ata do të besojnë se nuk ka asnjë strehë për ta.
41:48. WE DELLE 'ANHUM MA KANU JED'UNE MIN KABLU WE DHENNU MA LEHUM MIN MEHISIN
C 41:49. Njeriu nuk lodhet prej kërkesës për mirë, e kur atë e godet e keqja, ai keqësohet shumë dhe humb e shpresën.
41:49. Njeriu nuk lodhet kurrë duke kërkuar të mirën, por, nëse e godet e keqja, ai menjëherë bie në dëshpërim dhe humb shpresën.
41:49. Njeriu nuk lodhet duke kërkuar të mirat, por nëse një e keqe e prek atë, ai bëhet i dëshpëruar dhe i pashpresë.
41:49. LA JES'EMUL-'INSANU MIN DU'A'IL-HAJRI WE 'IN MESSEHU ESH-SHERRU FEJE'USUN KANUTUN
C 41:50. E nëse pas të këqijave që e goditën Ne i japim të mira nga ana Jonë, ai me këmbëngulje do të thotë: "Këtë e kam arritur vet (këtë do ta kem gjithnjë), e nuk mendoj se do të bëhet kijameti, po, edhe nëse do të kthehem te Zoti im, unë te Ai do ta kem edhe më mirë!" Ne patjetër do t'i njoftojmë ata që nuk besuan për atë që punuan dhe do t'u japim të përjetojnë dënim të rëndë.
41:50. Nëse pas fatkeqësisë, Ne i japim atij që të shijojë nga mirësitë Tona, ai me siguri, do të thotë: “Këtë e meritoj! Unë nuk besoj se do të vijë Ora (e Kiametit), por, edhe nëse kthehem te Zoti im, sigurisht që Ai do të më japë shpërblimin më të mirë.” Në të vërtetë, Ne do t'i njoftojmë mohuesit për atë që kanë bërë dhe do t'i bëjmë të shijojnë një dënim të ashpër.
41:50. Dhe kur Ne i japim atij një shijim të mëshirës Sonë pas një fatkeqësie që e ka prekur atë, ai me siguri thotë: "Kjo është për shkak të meje, dhe unë nuk mendoj se Ora do të vijë. Por nëse unë kthehem te Zoti im, me të vërtetë, për mua do të ketë të mirën më të mirë tek Ai." Por Ne me siguri do t'i informojmë jobesimtarët për atë që ata bënë, dhe me të vërtetë, Ne do t'i bëjmë ata të shijojnë një ndëshkim të ashpër.
41:50. WE LE'IN 'EDHEKNAHU REHMETEN MINNA MIN BA'DI DERRA'E MESSET/HU LEJEKULENNE HADHA LI WE MA 'EDHUNNU ES-SA'ATE KA'IMETEN WE LE'IN RUXHI'TU 'ILA RABBI 'INNE LI 'INDEHU LELHUSNA FELENUNEBBI'ENNEL-LEDHINE KEFERU BIMA 'AMILU WE LENUDHIKANNEHUM MIN 'ADHABIN GALIDHIN
C 41:51. Ne kur e begatojmë njeriun, ai nuk falënderon dhe largohet, e kur e godet e keqja, ai përulet dhe lutet shumë.
41:51. Kur njeriut i dhurojmë dhuntitë Tona, ai shmanget dhe na kthen kurrizin, mirëpo, kur atë e godet e keqja, ai lutet gjerë e gjatë.
41:51. Dhe kur Ne e bekojmë njeriun, ai largohet dhe kthehet mënjanë. Por kur e keqja e prek atë, ai bën lutje të gjata.
41:51. WE 'IDHA 'EN'AMNA 'ALEL-'INSANI 'A'REDE WE NE'A BIXHANIBIHI WE 'IDHA MESSEHU ESH-SHERRU FEDHU DU'A'IN 'ARIDIN
C 41:52. Thuaj: "Më tregoni, nëse ai (Kur'ani) është prej All-llahut, e ju e mohuat atë, kush është më i humbur se ai që është në kundërshtim të fortë?"
41:52. Thuaju, (o Muhamed): “Më thoni! Nëse ky Kuran është vërtet prej Allahut dhe ju e mohoni atë, atëherë kush është në humbje më të madhe se ai që është në kundërshtim të hapur me Të?!”
41:52. Thuaj: "A e keni menduar nëse ai është nga Allahu, dhe ju e mohoni atë? Kush është më i humbur sesa ai që është në një përçarje të thellë?"
41:52. KUL 'ERE'EJTUM 'IN KANE MIN 'INDI ELLAHI THUMME KEFERTUM BIHI MEN 'EDELLU MIMMEN HUWE FI SHIKAKIN BA'IDIN
C 41:53. Ne do t'ua bëjmë atyre të mundshme që t'i shohin argumentet Tona në horizonte dhe në veten e tyre deri që t'u bëhet e qartë se ai (Kur'ani) është i vërtetë. A nuk mjafton që Zoti yt është dëshmitar për çdo gjë?
41:53. Ne do t'u tregojmë atyre shenjat Tona në hapësirat tokësore e qiellore, si dhe në vetvete, derisa t'u bëhet plotësisht e qartë se ai (Kurani) është e vërteta. Vallë, a nuk të mjafton ty që, Zoti yt është Dëshmues i çdo gjëje?!
41:53. Ne do t'u tregojmë atyre shenjat Tona në horizonte dhe në vetet e tyre, derisa t'u bëhet e qartë se ai është e vërteta. A nuk mjafton që Zoti yt është dëshmitar për çdo gjë?
41:53. SENURIHIM 'AJATINA FIL-'AFAKI WE FI 'ENFUSIHIM HETTA JETEBEJJENE LEHUM 'ENNEHUL-HEKKU 'EWELEM JEKFI BIREBBIKE 'ENNEHU 'ALA KULLI SHEJ'IN SHEHIDUN
C 41:54. Vini re! Ata janë në dyshim për takimin me Zotin e tyre (me botën tjetër), e ta dini se Ai ka përfshirë me dijen e vet çdo send.
41:54. Vërtet, ata dyshojnë në takimin me Zotin e tyre, por le ta dinë se Ai ka nën kontroll çdo gjë.
41:54. Ja, ata janë në dyshim për takimin e Zotit të tyre. Ja, me të vërtetë, Ai është mbi çdo gjë Mbikëqyrës.
41:54. 'ELA 'INNEHUM FI MIRJETIN MIN LIKA'I RABBIHIM 'ELA 'INNEHU BIKULLI SHEJ'IN MUHITUN