Artikujt

Edhe ju mund të shtoni artikull...
Kliko këtu...

Kur'ani apo Hadithet?

08.11.2008

Librat e Hadith-it dhe Sunnet-it u shkruan mbi 200 vite pas vdekjes se profetit Muhammed s.a.v.s.

Allahu xh.sh. ju thotë besimtarëve se libri i Tij Kur’ani është i kompletuar, perfekt dhe i plotë në detaje. Dhe na përkujton se fjalët e Tij nuk mbarojnë, dhe nëse do të donte Ai do të na jipte edhe libra tjerë përveç Kur’an-it. Shih ajetet e mëposhtme:

31:27. Sikur të gjithë drutë në tokë të jenë lapsa dhe sikur detit t'i shtohen edhe shtatë dete (e të jenë me ngjyrë), nuk do të mbaronin fjalët e All-llahut (do të shteroheshin detet, do të soseshin lapsat, e jo mrekullitë e Zotit). All-llahu është ngadhënjyesi i urtë.

18:109. Thuaj: “Sikur të ishte deti ngjyrë për t'i shkruar fjalët e Zotit tim, deti (uji i tij) do të shterej para se të përfundojnë fjalët e Zotit tim, e edhe sikur të sillnim shtesë edhe një si ai (deti)”.

Allahu xh.sh., i gjithdisjhmi, e dinte që pas vdekjes së Muhammedit s.a.v.s. njerëzit do të shpiknin gënjeshtra në lidhje me Pejgamberin s.a.v.s. duke i quajtur ato hadithe apo sunnete, prandaj ai para tyre e përdori fjalën hadith në Kur’an.
Allahu xh.sh. ju dha besimtarëve të vërtetë një fillim të fortë me fjalën hadith, dhe ju tregoi besimtarëve se cilin hadith ata duhet të pranojnë, vetëm Hadithin e Allahut xh.sh.
Fjala hadith është përdorur në Kur’an rreth 31 herë në forma të ndryshme, 18 nga to me fjalën e saktë Hadith:

77:50. Pra, cilës fjalë (libër) pas këtij (Kur'anit) i besojnë?

7:185. A nuk vështruan ata me vëmendje pushtetin e madh në qiej e në tokë dhe çka krijoi All-llahu prej sendeve, e edhe në atë se ndoshta u është afruar afati i tyre i vdekjes. Atëherë, cilës bisedë pos kësaj (Kur'anit) do t'i besojnë?

31:6. Po ka nga njerëzit që blenë tregime boshe e me qëllim që t'i largojnë njerëzit prej rrugës së All-llahut pa pasur kurrfarë fakti dhe për t'i marrë ato (ajetet e) All-llahut si tallje. Për ta me siguri është përgatitur dënim i turpshëm.

39:23. All-llahu e shpalli të folmen më të mirë, librin, të ngjashëm në mrekulli, të përsëritur herë pas here (me këshilla e dispozita), që prej (dëgjimit të) tij rrënqethen lëkurët dhe zemrat e tyre. Ky (libër) është udhëzim i All-llahut, me të udhëzon atë që do. E atë që All-llahu e lë të humbur, për të nuk ka ndonjë udhëzues.

45:6. Këto janë fakte të All-llahut që po t'i lexojmë ty në mënyrë të saktë; cilës fjalë pra, pos fjalës së All-llahut dhe argumenteve të Tij, ata i besojnë?

52:34. Pra, nëse ata janë të drejtë le ta sjellin një ligjërim si ai.

68:44. Pra, më lë Mua dhe ata që e mohojnë këtë Kur'an. Ne do t'i afrojmë ata dalëngadalë te dënimi prej nga nuk presin.

Duhet të kemi kujdes nga shkrimet e njerëzve që i kanë shkruajtur këto libra pas vdekjes së Muhammedit s.a.v.s. dhe i kanë quajtur hadithe apo sunnet. Allahu xh.sh. na thotë t’i besojmë vetëm fjalës apo hadithit të Tij pra Kur’an-it.

Përktheu nga anglishtja: Sefedin Muqaj www.kosovaislam.tk

Artikujt e fundit:

11.12.2022
Parathënia e Përkthimit të Kur'anit nga Sherif Ahmeti

08.11.2008
Kur'ani apo Hadithet?

25.09.2008
Si ta ndryshosh vetveten?

12.09.2006
Mbi përkthimin e Kur’anit

12.09.2006
Pikëpamje të konceptimit të i’xhazit kur’anor