Kur'ani Fisnik

kërkim në gjuhën shqipe



<< >>
Kërkuat fjalën:
Ajete: 11

Sherif Ahmeti
Hasan Nahi
ChatGPT
Transliterimi
C 33:11. Atje, në atë vend qenë sprovuar besimtarët, dhe qenë tronditur me një dridhje të fortë.
33:11. Aty besimtarët u vunë në provë dhe u tronditën si nga një tronditje e fuqishme.
33:11. Atje, besimtarët u sprovuan dhe u tronditën një tronditje e madhe.
33:11. HUNALIKE EBTULIJEL-MU'UMINUNE WE ZULZILU ZILZALEN SHEDIDAN
C 33:12. Kur hipokritët dhe ata që në zemrat e tyre kishin sëmundje, thonin: "All-llahu dhe i dërguari Tij, nuk na premtuan tjetër vetëm se mashtrim!"
33:12. Por hipokritët dhe ata me zemra të sëmura e të dobëta, thanë: “Allahu dhe i Dërguari i Tij nuk na kanë premtuar asgjë, pos mashtrimit”!
33:12. Dhe kur hipokritët dhe ata që kishin një sëmundje në zemrat e tyre thanë: "Allahu dhe i Dërguari i Tij nuk na premtuan asgjë përveç mashtrimit."
33:12. WE 'IDH JEKULUL-MUNAFIKUNE WEL-LEDHINE FI KULUBIHIM MEREDUN MA WE'ADENALLAHU WE RESULUHU 'ILLA GURUREN
C 33:13. Dhe kur një grup prej tyre thanë: "O banorë të Jethribit, nuk ka qëndresë për ju, ndaj kthehuni!" E një grup prej tyre kërkonin lejen e Pejgamberit, duke thënë: "Shtëpitë tona janë të pambrojtura!" Edhe pse ato nuk ishin të pambrojtura, në realitet ata nuk donin tjetër por vetëm të iknin.
33:13. Dhe një grup prej tyre tha: “O banorët e Jethribit, s'ka qëndrim këtu për ju, andaj kthehuni!” Një grup tjetër nga ata kërkoi leje prej të Dërguarit, duke thënë: “Në të vërtetë, shtëpitë tona janë të pambrojtura”! Por ato nuk ishin të pambrojtura. Ata donin vetëm të iknin.
33:13. Dhe kur një grup prej tyre tha: "O populli i Jathribit, nuk ka qëndrim për ju këtu. Prandaj, kthehuni." Dhe një grup prej tyre kërkoi leje nga Profeti duke thënë: "Shtëpitë tona janë të ekspozuara." Ndërkohë që ato nuk ishin të ekspozuara. Ata donin vetëm të iknin.
33:13. WE 'IDH KALET TA'IFETUN MINHUM JA 'EHLE JETHRIBE LA MUKAME LEKUM FARXHI'U WE JESTE'DHINU FERIKUN MINHUMU EN-NEBIJE JEKULUNE 'INNE BUJUTENA 'AWRETUN WE MA HIJE BI'AWRETIN 'IN JURIDUNE 'ILLA FIRAREN
C 33:14. Dhe sikur t'u hynin atyre nga anët e saj (Medines) dhe prej tyre të kërkohej tradhtia, ata do të ishin të gatshëm për të dhe nuk do të vononin aspak (të tradhtonin).
33:14. Sikur armiku t'i pushtonte ata nga të gjitha anët e t'u kërkonte që të bëheshin idhujtarë, ata do të bëheshin duke ngurruar fare pak.
33:14. Dhe sikur të ishin hyrë mbi ta nga të gjitha anët e tij dhe pastaj t'u ishte kërkuar atyre të devijonin, ata me siguri do ta kishin bërë këtë, ndërsa ata nuk do të kishin qëndruar përveçse për pak kohë.
33:14. WE LEW DUHILET 'ALEJHIM MIN 'EKTARIHA THUMME SU'ILUL-FITNETE LE'ATEWHA WE MA TELEBBETHU BIHA 'ILLA JESIREN
C 33:15. E ata ishin që i patën dhënë besën All-llahut më parë se nuk do të kthehen prapa (nuk do të ikin), pra premtimi i dhënë All-llahut mban edhe përgjegjësi.
33:15. Ndërsa më parë i qenë betuar Allahut, se nuk do të zmbrapseshin. Për këtë besëlidhje me Allahun do të përgjigjen!
33:15. Dhe me të vërtetë, ata më parë i kishin dhënë Allahut një premtim të fortë se ata nuk do të kthenin shpinën. Dhe premtimi ndaj Allahut do të pyetet.
33:15. WE LEKAD KANU 'AHEDU ELLAHE MIN KABLU LA JUWELLUNEL-'EDBARE WE KANE 'AHDU ELLAHI MES'ULEN
C 33:16. Thuaj: "Nëse ikët prej vdekjes ose prej mbytjes, ikja nuk do t'ju bëjë dobi, sepse edhe atëherë nuk do të (shpëtoni) përjetoni vetëm për pak kohë".
33:16. Thuaju: “Nuk do t'ju bëjë dobi të ikurit, nëse ikni prej vdekjes apo vrasjes. Edhe atëherë, ju do të kënaqeni vetëm për pak kohë!”
33:16. Thuaj: "Arratisja nuk do t'ju ndihmojë kurrë nëse ikni nga vdekja ose nga vrasja. Dhe atëherë nuk do të kënaqeni përveçse për pak kohë."
33:16. KUL LEN JENFE'AKUMUL-FIRARU 'IN FERERTUM MINEL-MEWTI 'EWIL-KATLI WE 'IDHEN LA TUMETTA'UNE 'ILLA KALILAN
C 33:17. Thuaj: "Kush do t'ju mbrojë prej All-llahut, nëse Ai ua ka caktuar ndonjë të keqe, ose (do t'ju godit me ndonjë të keqe) nëse Ai ua ka caktuar ndonjë të mirë. Po përveç All-llahut ata nuk do të gjejnë për vete ndonjë ndihmëtar".
33:17. Thuaju: “Kush është ai, që do t'ju ruajë nga Allahu, nëse Ai dëshiron që t'ju godasë e keqja?! Kush mund ta pengojë Atë, nëse Ai do që t'ju japë mëshirë?!” Ata nuk do të gjejnë as mbrojtës, as ndihmës tjetër, përveç Allahut.
33:17. Thuaj: "Kush është ai që mund t'ju mbrojë nga Allahu nëse Ai dëshiron për ju të keqen ose dëshiron për ju mëshirën?" Dhe ata nuk gjejnë për vete as ndonjë mbrojtës dhe as ndonjë ndihmës përveç Allahut.
33:17. KUL MEN DHAL-LEDHI JA'SIMUKUM MINEL-LAHI 'IN 'ERADE BIKUM SU'EN 'EW 'ERADE BIKUM REHMETEN WE LA JEXHIDUNE LEHUM MIN DUNI ELLAHI WELIJAN WE LA NESIRÆN
C 33:18. All-llahu i ka njohur shumë mirë ata që ndër ju pengonin dhe ata që vëllezërve të vet u thonin: "Ejani me ne!" E ata nuk vijnë në luftë, vetëm një pakicë.
33:18. Allahu i njeh mirë ata midis jush, që pengojnë (të tjerët nga vajtja në luftë) dhe u thonë vëllezërve të tyre: “Ejani te ne!” Vetëm pak prej tyre vijnë në luftë,
33:18. Me të vërtetë, Allahu i di ata midis jush që i pengojnë të tjerët dhe ata që thonë vëllezërve të tyre: "Ejani tek ne," ndërsa ata hyjnë në betejë vetëm për pak kohë.
33:18. KAD JA'LEMU ELLAHUL-MU'AWWIKINE MINKUM WEL-KA'ILINE LI'IHWANIHIM HELUMME 'ILEJNA WE LA JE'TUNEL-BE'SE 'ILLA KALILEN
C 33:19. Janë koprracë ndaj jush (nuk ju duan të mirën). E kur u vjen frika i sheh ata të shikojnë ty, e sytë e tyre rrotullohen si të atij nga të fiktit pranë vdekjes, e kur largohet frika, ata ju shpojnë juve me gjuhë të mprehta, lakmues për pasuri (për plaçkë - ganimet). Të tillët nuk kanë besuar, andaj All-llahu ua asgjësoi veprat e tyre, e kjo për All-llahun është lehtë.
33:19. por edhe atëherë ngurrojnë që t'ju ndihmojnë. Kur frikësohen, ata të shikojnë ty (o Muhamed) për ndihmë, duke i rrotulluar sytë sikur të ishin në agoni. Por, sapo t'u kalojë frika, ata ju sulmojnë me gjuhë të mprehtë dhe janë koprracë me ju për çfarëdo të mire. Këta janë ata që nuk kanë besuar, andaj Allahu i ka asgjësuar veprat e tyre. E, kjo për Allahun është lehtë.
33:19. Me zili ndaj jush. Kur frika vjen, ti i sheh ata që të shikojnë ty me sytë që rrotullohen si të atij që është në prag të vdekjes. Por kur frika largohet, ata ju godasin me gjuhë të ashpra nga lakmia për të mirën. Këta nuk kanë besuar, prandaj Allahu i bëri të kota veprat e tyre. Dhe kjo është e lehtë për Allahun.
33:19. 'ESHIHHETEN 'ALEJKUM FE'IDHA XHA'EL-HAWFU RE'EJTEHUM JENDHURUNE 'ILEJKE TEDURU 'A'JUNUHUM KALLEDHI JUGSHA 'ALEJHI MINEL-MEWTI FE'IDHA DHEHEBEL-HAWFU SELEKUKUM BI'ELSINETIN HIDADIN 'ESHIHHETEN 'ALEL-HAJRI 'ULA'IKE LEM JU'UMINU FE'EHBETEL-LAHU 'A'MALEHUM WE KANE DHALIKE 'ALA ELLAHI JESIREN
C 33:20. Ata mendonin se grupet aleate ende nuk kishin shkuar, dhe nëse aleatët kthehen edhe njëherë, ata (hipokritët) do të dëshironin të kishin qenë beduinë diku me arabët dhe prej atje të pyesin për çështjen tuaj, por edhe sikur të ishin në mesin tuaj, ata krejt pak do të luftonin.
33:20. Ata mendonin se ende nuk kishte ikur ushtria e aleatëve e, nëse do vinte ushtria e aleatëve, ata do të dëshironin të ishin në mesin e arabëve të shkretëtirës e të pyesin për ju. Por edhe sikur të mbeteshin me ju, pak do të luftonin.
33:20. Ata mendojnë se aleatët nuk janë larguar ende. Dhe nëse aleatët vijnë përsëri, ata do të donin të ishin në mesin e beduinëve, duke kërkuar lajme për ju. Dhe sikur të ishin midis jush, ata do të luftonin vetëm për pak kohë.
33:20. JEHSEBUNEL-'EHZABE LEM JEDH/HEBU WE 'IN JE'TIL-'EHZABU JEWEDDU LEW 'ENNEHUM BADUNE FIL-'A'RABI JES'ELUNE 'AN 'ENBA'IKUM WE LEW KANU FIKUM MA KATELU 'ILLA KALILEN
C 33:21. Ju e kishit shembullin më të lartë në të dërguarin e All-llahut, kuptohet, ai që shpreson në shpërblimin e All-llahut në botën jetër, ai që atë shpresë e shoqëron duke e përmendur shumë shpesh All-llahun.
33:21. Në të Dërguarin e Allahut ka një shembull të mrekullueshëm për atë, që shpreson tek Allahu dhe Dita e Fundit dhe e përmend shumë Allahun.
33:21. Me të vërtetë, për ju në të Dërguarin e Allahut është një shembull i shkëlqyer për atë që shpreson te Allahu dhe Ditën e Fundit dhe përkujton Allahun shpesh.
33:21. LEKAD KANE LEKUM FI RESULI ELLAHI 'USWETUN HESENETUN LIMEN KANE JERXHU ELLAHE WEL-JEWMEL-'AHIRE WE DHEKEREL-LAHE KETHIREN